義達食堂 光記點心

营业中

休息中

呢間點心舖係我成日同同事一齊叫外賣食，堂食舖面比較細，所以我未試過堂食。每次都係外賣，都好方便，同埋喺公司附近。拎到返公司都係熱辣辣。講返食物先，佢午市有套餐都ok，$48蚊有得揀飯/ 米線/點心+點心。通常我哋都係全點心多，一定要食就食蝦餃、燒賣、菜苗餃！茶苗餃超級大粒，拳頭咁大，仲超多料！唔想食太多肉，真係啱晒！仲有大大隻新鮮蝦，蝦餃都係必食，勁足料㗎！芝士春卷好香口，不過就唔係好覺有芝士嘅，但都好食嘅。蘿蔔糕煎得勁香口牛肚，汁料好香濃，牛肚好淋。仲有鳳爪第一次食鮑魚雞絲腸粉，都ok，不過就唔係好食得出兩者嘅味道。整體係好食、抵食夾大件 。