影片
更多
2023-04-24
32 浏览
今日嚟到大埔同朋友慶祝生日，揀咗呢間人世神秘餐廳，呢度嘅大門感覺好神秘。我哋就叫咗個廚師發板。首先嚟咗個沙律醋三文魚，呢個沙律擺盤幾好，食落好方便，而且師傅將黑醋打咗泡，配埋三文魚同沙律菜食落層次更加豐富，雖然用料係普通三文魚沙律，但用心十足。之後就係冰鎮鮑魚前菜海帶好爽口，不過主角都係鮑魚。鮑魚肉質好爽嫰，食落肉質非常好，而且鮑魚本身味道都好鮮，再加上同冰甜酒浸過，味道又有鮮味亦有香甜味，非常開胃。不過個人覺得甜酒可以再入味D。omakase師傅好好，為我哋兩個人預備咗唔同既前，加埋總共有4樣款式，包括蒜泥燒鮑魚、黑松露牛油帶子、煎白鱔、鵝肝檸檬醬多士，而4款菜式都好新鮮，無論係鮑魚、帶子定係白鱔都好鮮味，而且味道全部都調得啱啱好，無論係濃定淡味既醬汁都啱啱好帶到海鮮既味道出嚟，好高質。而鵝肝亦好肥美，配埋清新既檸檬醬啱啱好。宫崎豚厚切黑豚扒煎得非常好，唔單止juicy而且仲好嫰滑，以肉質嚟講幾乎可以話係滿分，絕對係我食過既前三之選，不過豬味就唔算好濃，如果鍾意濃郁肉味既朋友可能就未必啱食。呢個係澳洲牛柳，味道都唔錯，order咗三成熟，肉質都幾鮮嫰，而牛既配搭都好正路，配咗炸蒜片同
我哋就叫咗個廚師發板。
首先嚟咗個沙律醋三文魚，呢個沙律擺盤幾好，食落好方便，而且師傅將黑醋打咗泡，配埋三文魚同沙律菜食落層次更加豐富，雖然用料係普通三文魚沙律，但用心十足。
之後就係冰鎮鮑魚前菜海帶好爽口，不過主角都係鮑魚。鮑魚肉質好爽嫰，食落肉質非常好，而且鮑魚本身味道都好鮮，再加上同冰甜酒浸過，味道又有鮮味亦有香甜味，非常開胃。不過個人覺得甜酒可以再入味D。
omakase師傅好好，為我哋兩個人預備咗唔同既前，加埋總共有4樣款式，包括蒜泥燒鮑魚、黑松露牛油帶子、煎白鱔、鵝肝檸檬醬多士，而4款菜式都好新鮮，無論係鮑魚、帶子定係白鱔都好鮮味，而且味道全部都調得啱啱好，無論係濃定淡味既醬汁都啱啱好帶到海鮮既味道出嚟，好高質。而鵝肝亦好肥美，配埋清新既檸檬醬啱啱好。
宫崎豚厚切黑豚扒煎得非常好，唔單止juicy而且仲好嫰滑，以肉質嚟講幾乎可以話係滿分，絕對係我食過既前三之選，不過豬味就唔算好濃，如果鍾意濃郁肉味既朋友可能就未必啱食。
呢個係澳洲牛柳，味道都唔錯，order咗三成熟，肉質都幾鮮嫰，而牛既配搭都好正路，配咗炸蒜片同埋手磨山葵，都係經典既配搭。
炒飯炒得好香口好有鑊氣，而且師傅真係功架十足，炒到飯底好脆，好似食緊脆片咁，但又一D都唔會燶，淨係呢點已經值得一試。
豆腐海帶湯既味道調得唔錯，飲落鮮味得嚟又唔會太濃味，可以清返之前主菜既味道，而且豆腐亦好有心思，雕刻到成朵花咁，又睇得又飲得。
紅豆吉士tart既質素都幾高，雖然唔算好特別，但吉士唔似一般餐廳咁膩，反而令香味更出，配埋紅豆味道好夾。
张贴
