一茗堂 (南山商場) (已結業)

南山村呢間小店唔易搵，原來佢係舊店一茗堂個位置。餐廳地方幾大，食物價錢平民。有意粉、飯、Pizza、小食、甜品、特色飲品等等。我哋都叫咗唔少嘢食。水牛城雞翼$58，味道都唔錯；不過對於我來講偏鹹咗少少。雞翼外皮幾脆，肉質都唔錯，一份有五隻，都幾抵食。另外，叫咗黑松露薯條$48。薯條面上有黑松露，而且炸得香脆。主菜叫咗龍蝦汁海鮮燴飯$88，龍蝦汁味都幾香，飯較濕。甜品叫咗70%可可撻，朱古力味幾濃。小店來講算整得唔錯。飲品叫咗朱古力咖啡及海鹽榛子朱古力。