東京食堂 (已結業)

呢間係名符其實嘅隱世小店，要入去巷仔先搵到，有少少難搵，座位唔係好多，不過上菜都快，所以座位流轉率都高。炸生蠔蠔好新鮮多汁啊蟹肉忌廉薯餅口感好creamy, 有淡淡嘅蟹肉味, 唔算好濃郁, 算係幾特別嘅, 不過食完就覺得有啲飽啦！鰻魚定食見到唔少人推介鰻魚，所以我都試一試先，今次試咗半條，鰻魚個口感好滑嫩，醬料口味都剛剛好，好好食！升級為定食加$20, 有湯、中華沙律同珍珠飯，正常表現啦！佢有個叫貓飯，個名好有趣，不過今次就冇試啦。如果唔想升做為定食都可以啊，留返個胃，試多幾樣仲開心。