影片
更多
2023-03-28
120 浏览
犇道 📍屯門弦海商場地下G01B號舖 🌄環境 一如既往地好啦，今日播嘅Playlist係爵士樂，好chill~ 🧡食物 我哋今日係嗌咗個「蝦蝦霸霸牛扒二人套餐」嘅，聽個名就知係有蝦有牛扒食，成個餐加埋$488，唔包嘢飲，但係如果要飲嘢嘅話都有本價優惠~ 🥗 頭盤＋是日餐湯 今日嘅頭盤係麥包配火腿同番茄、沙律菜，我覺得個火腿嘅鹹香加埋麥包嘅香味好夾，但係麥包有啲稔，覺得可以烘一烘再上會啱我口味啲~ 餐湯幾特別，係薯仔蒜茸湯，我幾鍾意呢個，食到薯仔沙沙地嘅口感，蒜茸唔會好臭，只係有些微香氣，成個好夾好香~ 推薦度：😋😋😋😋 🦞 活龍蝦鐵板燒配牛油檸檬汁 呢個龍蝦燒得好惹味！肉質彈牙之餘，牛油檸檬汁好解膩，食落幾fresh～ 推薦度：😋😋😋😋 🥩 廚師發辦精選牛扒7oz 配薯菜 今日嘅廚師發辦牛扒係牛側腹扒～維持到一如既往嘅高質素，牛扒軟嫩冇筋，好易切，頗為juicy，個汁我覺得係加分嘅，好香！值得一提係薯菜，可以refill，永遠新鮮即炸，極度脆口，一啲都唔會因為係配菜而馬虎~👍🏻 推薦度：😋😋😋😋😋 🍝 哈里蕯辣醬黑毛豬米型意
📍屯門弦海商場地下G01B號舖
🌄環境
一如既往地好啦，今日播嘅Playlist係爵士樂，好chill~
🧡食物
我哋今日係嗌咗個「蝦蝦霸霸牛扒二人套餐」嘅，聽個名就知係有蝦有牛扒食，成個餐加埋$488，唔包嘢飲，但係如果要飲嘢嘅話都有本價優惠~
🥗 頭盤＋是日餐湯
今日嘅頭盤係麥包配火腿同番茄、沙律菜，我覺得個火腿嘅鹹香加埋麥包嘅香味好夾，但係麥包有啲稔，覺得可以烘一烘再上會啱我口味啲~
餐湯幾特別，係薯仔蒜茸湯，我幾鍾意呢個，食到薯仔沙沙地嘅口感，蒜茸唔會好臭，只係有些微香氣，成個好夾好香~
推薦度：😋😋😋😋
🦞 活龍蝦鐵板燒配牛油檸檬汁
呢個龍蝦燒得好惹味！肉質彈牙之餘，牛油檸檬汁好解膩，食落幾fresh～
推薦度：😋😋😋😋
🥩 廚師發辦精選牛扒7oz 配薯菜
今日嘅廚師發辦牛扒係牛側腹扒～維持到一如既往嘅高質素，牛扒軟嫩冇筋，好易切，頗為juicy，個汁我覺得係加分嘅，好香！值得一提係薯菜，可以refill，永遠新鮮即炸，極度脆口，一啲都唔會因為係配菜而馬虎~👍🏻
推薦度：😋😋😋😋😋
🍝 哈里蕯辣醬黑毛豬米型意粉
呢個米型意粉我真係未食過，今次比到驚喜我！首先個醬係酸酸辣辣，番茄味中有啲香辣味，十分惹味啦~米型意粉就真係一粒粒，大粒啲嘅米噉樣嘅，但係食落的確係意粉質感，幾有趣，側邊仲俾咗塊脆脆地好似蝦片嘅東西，可以一齊食，幾有趣嘅意粉🥰我覺得最大好處係可以用匙羹食，肉醬同意粉一齊食，唔會產生食完剩下一大堆肉醬嘅尷尬moment，幾正！
推薦度：😋😋😋😋😋
💙 飲品
🍫 雙倍特濃朱古力 $24
呢杯嘢好罪惡，整體好滑，好濃重嘅朱古力味，好好飲！
推薦度：😋😋😋😋
🫖 洋甘菊有機國寶茶 $19
呢杯好適合打卡！嗰餐具好靚，我都好想買一套返屋企，飲落幾香好暖胃，唔錯的！
推薦度：😋😋😋😋
张贴
