隱町 (馬頭圍道) (已搬遷) 新店位置

“燒台山蠔”($28)“廚師精選沙律”($68)“汁燒雞肉蔥串”($42)“雞皮”($32)“明太子蝦棒”($58)“青葡萄豚肉卷”($38)“豚肉溏心蛋”($48)“紫蘇蝦餅天”($88)喺太子有唔少好評嘅居酒屋隱町最近喺土瓜灣開咗新分店地方闊落咗唔少,坐都坐得舒服啲😆坐低一眼望到黑板上面有燒台山蠔,只係$28🦪咁抵冇理由唔叫返隻試試呀嘛🤣估唔到食落蠔味比想像中重同爽口加上啲蘿蔔蓉,蔥花,食落味道更豐富😋當晚嘅精選沙律係燒牛肉沙律🐮牛肉片入口嫩滑,牛味算幾香而且份量仲比得好足☺食到尾都仲有肉片🤣嚟得居酒屋當然唔少得串燒叫咗汁燒雞肉蔥串,雞皮,明太子蝦棒,青葡萄豚肉卷各款串燒味道都幾唔錯🥰當中雞皮十分香脆,鹹鹹香香咁好正😋明太子蝦棒夠哂惹味,蝦肉彈牙青葡萄豚肉咬落去爆哂汁🤤甜甜地咁同豚肉又幾夾😚仲叫咗好耐冇食嘅豚肉溏心蛋🐷😍溏心蛋預先已經切好一半,方便進食😆豚肉燒到外面微焦,加上醬汁同溏心蛋又點會唔好食😛最後係好多人推介嘅紫蘇蝦餅天婦羅用紫蘇葉包住蝦肉再拎去炸😍層炸衣超級超級薄但好脆☺紫蘇香配上爽彈蝦肉真心好食🦐