平成 (已結業)

✨ 我同友人A今日就去咗間新開嘅日本餐廳食晚飯，平成呢間餐廳搵咗好耐都搵唔到，結果喺外圍行咗5分鐘先見到。平成呢間日本餐廳最主要食丼飯，係熱嗰款而唔係刺身丼。但佢地用嘅日本米好啱小妹心水，下次大家可以去試下😚😚。✨ 餐牌✨ 三重芝士火山燒咖哩牛肉丼👧🏻 話說小妹同友人A都超級中意食有芝士嘅野食。今次友人A嗌嘅呢個丼飯，真係啱曬小妹心水，除咗有超級邪惡嘅拉芝，仲要有日本咖哩同牛肉。廚師特登將芝士燒過黎，再加埋大量牛肉，真係啖啖飯都有滿足感。特別一提就係平成嘅日本米，佢地造出黎嘅飯粒，就算加咗大量嘅食材喺上面，都無損飯粒嘅煙韌🤤🤤。✨ 芝士葱蛋餅👧🏻 呢碟葱蛋餅的確令到友人A超級驚喜，可能佢不嬲都唔中意食葱花。佢地將蛋餅整到好似一塊薄餅，入面加咗芝士煎香，每切開一舊就會充滿住芝士再加上大量葱花，真係刺激住小妹嘅味蕾。✨ 燒阿波雞腎、海鹽燒和牛✨ 蟹肉忌廉薯餅👧🏻 喺小食入面，小妹最中意就係呢個薯餅。 佢地將蟹肉同薯蓉打混，就算食落口咬唔到有蟹肉，成個薯餅都充滿咗蟹嘅味道。✨ 巨峰提子、荔枝乳酸梳打