Noc Noc

营业中

休息中

去開大埔就黎到呢個小酒吧Noc Noc，星期六既下晝人小小就係呢度食lunch。Noc Noc既lunch set都幾抵，88蚊一個主菜連埋飲品，係花多眼亂既餐牌入面我揀左呢個墨西哥烤雞，配冰茶，另外叫多左個小食炸雞。炸雞小食先上，炸雞外脆內軟，小小舊一啖一舊啱啱好，配埋一個酸酸地好似千島醬咁既醬汁真係幾好味。lunch set既墨西哥烤雞上枱既時勢重係炸炸聲，個煎pan重係好熱，烤雞好香加埋醬汁洋蔥青黃椒牛油瓜真係好惹味，加埋夾餅，牛油瓜醬，蕃茄同埋酸忌廉真係好好味，最啱濃味既朋友仔，最後加埋杯冰茶，令到成個午餐更加完美。