小麻吉滷肉飯 (已結業)

呢間野坐落於旺角鬧市既旁邊，雖然唔係大街，但係都幾易搵。入面既裝修擺設幾有文青feel，而且環境乾淨企理。午飯時間好快有就有位，而且上菜速度都好快。我叫左一碗鹽酥雞湯麵，鹽酥雞好香口，麵質有點似上海刀削麵，幾彈牙，然後湯底都唔錯，唔會太重口味，而且加左好多我好喜歡的蔥花，配埋肉碎，再加兩條生菜，令成碗湯麵都好豐富。我既朋友叫左鹽酥雞飯，鹽酥雞既份量同白飯一樣多，十分抵讚！重點係價錢相當平民化，又食得飽，所以係非常值得一試既隱世小店！