麺屋·隠 (已結業)

想食拉麵好耐，可惜元朗冇乜濃厚風味嘅拉麵店，直到有人推薦呢一間隱。位置真係好隱世，係巷仔，店面都好細，唔為意可能就錯過咗。入到去比想像中更細真係唔適合多人黎，地方好窄，冬天黎多人少少啲褸呀袋呀都已經冇地方擺。拉麵湯底最要有呢4款我地嗌咗一個鰹魚豚骨湯，同堆呢個櫻花蝦豚骨湯底。兩個湯都好濃郁，好香，絕對係淆咗好耐嘅味道！不過食完之後會有啲濟，下次可能嗌返普通濃度。配料有用心，全部都好好味，溏心蛋俾夠2邊，一啲都唔姑寒。叉燒冇入口即融，味道較淡，對比起黎就有啲遜色。聽講係2個90後情侶一齊開，有呢一個誠意呢一個味道非常難得啦！值得推薦嘅小店！