影片
更多
2021-08-01
48 浏览
「爆辣冷麵」係元朗開業多年，主打小食撈麵，近期由小商場搬左去西菁街地鋪，多左好多菜式，又點可以唔黎試下呢？爆多蟹籽冷麵：呢個係鋪頭招牌菜之一，又點可以唔叫呀？ 蒜香味濃嘅冷麵加入辣醬後，上面再鋪上海量嘅蟹籽，完全係可以用「蟹籽放題」黎形容，真係每一條麵都沾到d蟹籽架，以＄35黎講絕對係超值。辣度叫左蚊仔辣，入口微辣，麵條食落彈牙，微辣嘅麵配上鮮甜嘅蟹籽，有口感得黎仲非常惹味。袋裝撈麵：學生年代大多數係旺中同葵芳先食到嘅袋裝撈麵，「爆辣冷麵」呢度都有得食，真係令人懷念當日著住校服去買撈麵嘅情景呀。冷麵加入秘製辣汁撈埋一齊食，口感同味道都好豐富，喜歡嘅仲可以加其他配料好似蟹籽，芫荽、中華沙律、八爪魚等等。以＄15/3包或$18/4包黎講，份量都算幾多，都算抵食。除左買經典菜式，就梗係要試新野啦：賽磅蟹杯麵 ：個人認為呢個配搭真係幾有創意，冷麵係用一隻平時用黎裝台式飲品嘅杯黎做器皿，底層放有冷麵，中間加左以蛋白，奶同蟹柳整成嘅賽磅蟹，面頭仲加入粟米、蟹柳同蟹籽，撈埋食真係好有食杯麵嘅感覺，入口涼浸浸，一路食一路睇奧運，真係幾正。爆辣炒飯 ：由於炒飯係即叫即整，所以等候需時，粒粒分別嘅炒飯上鋪
爆多蟹籽冷麵：呢個係鋪頭招牌菜之一，又點可以唔叫呀？
蒜香味濃嘅冷麵加入辣醬後，上面再鋪上海量嘅蟹籽，完全係可以用「蟹籽放題」黎形容，真係每一條麵都沾到d蟹籽架，以＄35黎講絕對係超值。
辣度叫左蚊仔辣，入口微辣，麵條食落彈牙，微辣嘅麵配上鮮甜嘅蟹籽，有口感得黎仲非常惹味。
袋裝撈麵：學生年代大多數係旺中同葵芳先食到嘅袋裝撈麵，「爆辣冷麵」呢度都有得食，真係令人懷念當日著住校服去買撈麵嘅情景呀。
冷麵加入秘製辣汁撈埋一齊食，口感同味道都好豐富，喜歡嘅仲可以加其他配料好似蟹籽，芫荽、中華沙律、八爪魚等等。以＄15/3包或$18/4包黎講，份量都算幾多，都算抵食。
除左買經典菜式，就梗係要試新野啦：
賽磅蟹杯麵 ：個人認為呢個配搭真係幾有創意，冷麵係用一隻平時用黎裝台式飲品嘅杯黎做器皿，底層放有冷麵，中間加左以蛋白，奶同蟹柳整成嘅賽磅蟹，面頭仲加入粟米、蟹柳同蟹籽，撈埋食真係好有食杯麵嘅感覺，入口涼浸浸，一路食一路睇奧運，真係幾正。
爆辣炒飯 ：由於炒飯係即叫即整，所以等候需時，粒粒分別嘅炒飯上鋪上爆多嘅蟹籽，再加入紫菜碎做裝飾，炒飯配料仲有帶子帖邊、火腿、粟米、腸仔、螺肉、蟹籽、魷魚、蟹柳等等蛋，入口微辣，好有特色。
爆辣雞軟骨：用左自家製辣油蒜蓉炒成嘅雞軟骨，食落唔會好油，帶微微嘅蒜香味，鹹度剛剛好，雞軟骨亦都非常爽脆，好有咬口。
蟹籽沙律 ：蟹籽沙律以蟹籽、青瓜絲、帶子裙邊、粟米粒，蟹柳絲同紫菜碎加入沙律醬撈勻整成，由於佢無加辣，所以食起黎相當爽口，味道又清新，食完辣野再食呢個沙律中和返就最好不過了。
生蒜油：唔講都唔知呢度可以買佢地自家製嘅生蒜油。可以揀辣或唔辣，辣嘅＄25 ，可以買返屋企整撈麵，炒餸，醃肉，我都買左樽返屋企試下!
张贴
