影片
更多
2021-06-03
498 浏览
我經常都提及鍾意嚟到長沙灣天悦廣場附近一帶搵嘢食，皆因冇咁多人，又多高質小店👍。呢日我哋發現快餐店對面開咗間新舖喎，叫「Take Eat Easy」，玩食字😆。小店門面唔起眼，有啲隱世Feel，面積細細。不過入面都叫做放得落幾張枱，而且仲係正常呎吋，大約坐到十人啦。再者，呢度冷氣充足❄️，所以坐落都算舒服。餐廳提供嘅食物種類遠比想像中多，佢有賣小食、意粉、沙律、墨西哥卷、漢堡包以至薄餅等。我聽講薄餅皮係個廚自己拉嘅添🍕，好厲害！大蝦意粉配龍蝦汁($98)，🍝呢碟好有驚喜，麵同汁都處理得好好。意粉煮得夠彈牙，每條獨立分明兼掛滿汁。麵條當中混入咗洋蔥絲，以豐富口感同味道。龍蝦汁好惹味，鹹香味濃，並無漏嘅感覺。🦐大蝦有兩隻，開邊燒特別香，肉質亦好爽彈，証明新鮮。水準可媲美專門店。牛油果羽衣甘藍墨西哥卷($68)加$10配薯條，估唔到非印度餐廳都有墨西哥卷食🌯。卷物有三款口味，由於想食牛油果就叫咗素菜呢款🥑。軟熟嘅餅皮包住雜菜，牛油果粒綿綿的，再配合埋芝士粒，整體味道唔錯，夠多汁。另外，🍟薯條新鮮炸起好好食，外脆內軟，用鹽調味已經夠。香炸雞翼($58)，朋友唔食得辣，所以廚師將水牛雞翼變成普通炸
我經常都提及鍾意嚟到長沙灣天悦廣場附近一帶搵嘢食，皆因冇咁多人，又多高質小店👍。呢日我哋發現快餐店對面開咗間新舖喎，叫「Take Eat Easy」，玩食字😆。
小店門面唔起眼，有啲隱世Feel，面積細細。不過入面都叫做放得落幾張枱，而且仲係正常呎吋，大約坐到十人啦。再者，呢度冷氣充足❄️，所以坐落都算舒服。
餐廳提供嘅食物種類遠比想像中多，佢有賣小食、意粉、沙律、墨西哥卷、漢堡包以至薄餅等。我聽講薄餅皮係個廚自己拉嘅添🍕，好厲害！
大蝦意粉配龍蝦汁
$98
24 浏览
0 赞好
0 留言
大蝦意粉配龍蝦汁($98)，🍝呢碟好有驚喜，麵同汁都處理得好好。意粉煮得夠彈牙，每條獨立分明兼掛滿汁。麵條當中混入咗洋蔥絲，以豐富口感同味道。龍蝦汁好惹味，鹹香味濃，並無漏嘅感覺。🦐大蝦有兩隻，開邊燒特別香，肉質亦好爽彈，証明新鮮。水準可媲美專門店。
牛油果羽衣甘藍墨西哥卷
$68
20 浏览
0 赞好
0 留言
牛油果羽衣甘藍墨西哥卷($68)加$10配薯條，估唔到非印度餐廳都有墨西哥卷食🌯。卷物有三款口味，由於想食牛油果就叫咗素菜呢款🥑。軟熟嘅餅皮包住雜菜，牛油果粒綿綿的，再配合埋芝士粒，整體味道唔錯，夠多汁。另外，🍟薯條新鮮炸起好好食，外脆內軟，用鹽調味已經夠。
香炸雞翼
$58
6 浏览
0 赞好
0 留言
跟餐送餐湯，齋睇樣以為係一般忌廉湯，但原來係用上椰菜花打出嚟🥦，口感一粒一粒，幾得意。我真係冇諗過呢度連個湯都咁有誠意。
汽水方面🥤，套餐係包埋嘅，同店員傾開計，佢話老闆力推有氣果汁，話好正。新張期内，佢仲唔使我哋加錢就有得飲，好好人。老闆確係冇介紹錯，血橙味同柚子味都好飲，唔甜又解渴。
題外話，呢度有樣嘢超抵讚，就係食物擺盤好靚😍，一啲都唔馬虎。齋睇食物相，你係唔會諗到佢哋係一間小店嘅出品呢。就例如色彩繽紛嘅沙律好吸睛，廚師有好好利用食材嘅顏色同用上食用花作點綴🌈。
總括嚟講，小店用心經營，食物質素有水準😋，絕對值得支持💪！我仲有好多其他嘢想食，一定會再嚟幫襯，仲會推介比身邊同事添。如果唔想堂食，亦不妨可以考慮佢嘅抗疫外賣餐，價錢仲抵啊。
张贴
