麥金.麥金馬來西亞特式茶啡室 (已結業)

每次一黎，最多嘅一定係小店美食，去完附近體育館打完波，路過呢間以馬來西亞為主題嘅餐廳，有推出特色下午茶優惠，入去試一試！餐廳配置純樸親民，雖然係馬來西亞主題餐廳，都有唔少以港式美食的書法牌匾～蛋黃奶油勁量雞扒撈出前一丁既然做完運動，當然要邪惡一下，見到呢款嘅名已經好啱胃口，講吓味道！出前一丁配有芝士粉，加上蛋黃奶油碟，份量依個人口味淋落去，出前一丁煮嘅時間啱啱好，非常彈牙😋雞扒都好厚實，新鮮滾熱辣，千祈唔好攤凍咗先食！娘惹咖喱雞配參巴椰漿飯一款幾有馬來西亞特色嘅選擇，飯中椰漿味道適中，口味重既朋友可以加埋咖喱汁一齊食，咖喱雞嫩滑，就算坐喺對面既友人都聞到香味！以下午茶嘅份量黎講，食得好飽🤤特色小食椰香咖央多士熱辣辣脆卜卜，新鮮上枱，入口當然非常滋味！差唔多樣樣美食都係即叫即整！第一次食泰式生蝦，生蝦味道爽脆，不過不失！飲品芒果沙冰，木瓜鮮牛奶，做完運動當然想飲啲凍冰冰嘅嘢！兩款飲品非常都係好啱我地口味，就算食完熱辣辣嘅嘢，飲返兩啖飲品，係馬來西亞餐廳細意感受，不失為生活一種享受！建議一試！