影片
更多
2020-10-29
188 浏览
堅離地 7 Po最近去咗Element行下，上網查到近佐敦有間新餐廳 ---- 堅尼地 7 Po，話係適合本地人嘅土耳其🇹🇷菜，就二話不說即刻過嚟試下啦。.果然裝飾好有中東🗺、土耳其🇹🇷風格，有好多五顏六色嘅土耳其燈💡、掛畫，連枱面上嘅枱墊都好有特色，啱晒我地依啲女仔用嚟打卡啦！.中東串燒 配中東皮塔餅🥙講起中東美食，大家一定會不其然諗起Kebab🌯，依度就無Kebab食啦，但就有中東串燒🍢。Lunch set有雞同羊各一串，用長鐵籤穿住，夠晒風味，每串都有4-5塊肉，中間夾住青、紅椒同洋蔥🧅，表面燒得微焦，好香。不過啲肉食落就有啲韌，調味都可以再重手啲。另外仲有Pita Bread🥙、沙律🥗同酸忌廉。可以將所有野放入去Pita Bread夾住食又得，沾醬一啖肉、一啖菜、一啖麵包食都得。.乳酪黃咖喱雞 配中東香草飯 乳酪黃咖喱雞🍛絕對唔會令你失望，好足料，入面有嫩滑嘅雞肉、蕃茄粒🍅、秋葵同薯仔🥔，加埋酸忌廉，成個咖哩汁好幼滑、好順口，雞肉同其他配料都吸晒啲咖哩味，份量仲幾多添。不過咖喱就有啲辣，👩🏻平時食五小辣都要飲下凍嘢解辣。.中東米比較細長、硬身，唔同我地香港人平時食開個啲泰國米，
最近去咗Element行下，上網查到近佐敦有間新餐廳 ---- 堅尼地 7 Po，話係適合本地人嘅土耳其🇹🇷菜，就二話不說即刻過嚟試下啦。
.
果然裝飾好有中東🗺、土耳其🇹🇷風格，有好多五顏六色嘅土耳其燈💡、掛畫，連枱面上嘅枱墊都好有特色，啱晒我地依啲女仔用嚟打卡啦！
.
中東串燒 配中東皮塔餅🥙
講起中東美食，大家一定會不其然諗起Kebab🌯，依度就無Kebab食啦，但就有中東串燒🍢。Lunch set有雞同羊各一串，用長鐵籤穿住，夠晒風味，每串都有4-5塊肉，中間夾住青、紅椒同洋蔥🧅，表面燒得微焦，好香。不過啲肉食落就有啲韌，調味都可以再重手啲。另外仲有Pita Bread🥙、沙律🥗同酸忌廉。可以將所有野放入去Pita Bread夾住食又得，沾醬一啖肉、一啖菜、一啖麵包食都得。
.
乳酪黃咖喱雞 配中東香草飯
乳酪黃咖喱雞🍛絕對唔會令你失望，好足料，入面有嫩滑嘅雞肉、蕃茄粒🍅、秋葵同薯仔🥔，加埋酸忌廉，成個咖哩汁好幼滑、好順口，雞肉同其他配料都吸晒啲咖哩味，份量仲幾多添。不過咖喱就有啲辣，👩🏻平時食五小辣都要飲下凍嘢解辣。
.
中東米比較細長、硬身，唔同我地香港人平時食開個啲泰國米，店家加咗香草落去煮，幾香幾特別。比我哋想像中易入口好多。但飯量就真係偏少，👩🏻自己一個都可以輕鬆食晒，仲唔係好飽添。
.
總括嚟講，我哋覺得堅離地7Po嘅食物質素都幾好，特別係我哋Lunch set $70幾蚊仲包埋野飲，不過份量就的確少咗啲，👩🏻都食唔飽，不過剩係為個黃咖喱👩🏻都覺得好值得再嚟食呀，真係好好味、好足料，希望下次嚟都可以Keep住水準。另外，我哋當日12點幾去到，餐廳未有好多人，但店主似乎仲準備緊開店，唔係好得閒理會客人，就算我哋坐低咗一排就未有水杯或者Menu，希望依點可以改善一下啦。
.
张贴
