Relish

营业中

休息中

假日早起身周圍搵食，今次係第2次去呢間餐廳度食飯，兩次都冇令我失望。今次去食晏晝，一早起身就去咗食，所以唔使排隊，食咗兩個餐，飲品轉咖啡，再加甜品，共HK$484。北海道帶子蕃茄忌廉汁牛肝菌意式雲吞 HK$158配搭蕃茄忌廉汁，令到成碟野唔會太滯，個餡好好食。鮮澳洲黑毛安格斯100天穀飼牛肉眼（8oz）伴炒野菜 香草洋蔥烤薯仔HK$198煎得岩岩好，5成熟唔會太生或過熟，牛味濃。轉左兩杯咖啡Dirty Yuzu Lemonade Coffee Soda十分推薦柚子啡，呢個配搭唔係間間都做得到咁出色！最後追加個甜品焦糖千層酥配馬達加斯加雲呢拿吉士其實我已經飽到食唔落，但係朋友好想試，好彩有試，佢個皮好脆，吉士唔會太甜，整個配搭都好正。環境方面大大個月球裝飾，好食又衞生，裝修又可打卡，服務態度好既小店真係要寫個食評讚下。