《漁吉》位於毅力工業中心，上到去就見倒大門口個藍色大招牌。店內裝修係日式木系，比較簡樸，牆身一樣有招牌嘅「本日大漁」壁畫。
呢度有12款丼飯，另外仲有壽司、刺身、幾款日式炸物小食，全店出品均用日本產米。今次蕃薯妹同朋友仔叫咗兩款丼飯試吓😋
漁吉特選丼 $188三文魚·油甘魚·磯煮鮑魚·海膽·產地直送鮮魚·三文魚籽·櫻花魷魚·赤蝦·左口魚邊·帆立貝·蟹籽·玉子燒
呢個丼飯可以叫佢做包羅萬有丼😂 乜都有！ 滿足貪心嘅小朋友嘅慾望🤤💛
全部刺身都好鮮甜，而且都係厚切，其中原隻嘅磯煮鮑魚真係好吸引，鮮嫩彈牙；產地直送鮮魚每日唔同，視乎當日店嘅廚師推薦，今次係劍魚腩😋
印上「漁吉」嘅甜玉子燒係每一碗丼飯都有，唔會死甜好好味👍🏻
比目帆立丼 $158左口魚裙邊·帆立貝·三文魚籽·蟹籽·玉子燒
呢個丼飯真係不得了，左口魚裙邊都幾厚身，火炙過之後魚油香四溢，但係唔會溶到散曬可以原片夾起，咁樣嘅狀態係最好食！😋
帆立貝好大粒一樣有火炙過，鮮甜厚肉，兩種刺身嘅份量好多，三文魚籽飽滿，一啲都唔腥。大滿足💛
鐘意食刺身丼同壽司嘅朋友一定要嚟試吓😋 絕對唔會失望🫶🏻
