台式鐵板吐司（$67）brunch必點之選，今日揀嘅滿漢綜合有炒蛋、起司、培根、火腿同沙律菜，厚切吐司選用咗酥香丹麥多士，再烤到兩邊焦香，配埋豐富餡料同沙律醬，啖啖台味！
EDEN 特盛台式雙餸套餐（$88）餸菜款式多又樣樣都好高質，今次嘅鹽酥豬排炸到外酥內軟，小米辣酒糟雞中翼酒香十足，非常惹味！秘製辣肉碎香同辣度夠，但如果撈米粉就唔略嫌鹹度唔夠。套餐仲有甜品黑糖花生麻糬或者紅豆仙草芋圓，非常滿足！
巴斯克芝士蛋糕（+$30）芝士蛋糕比平時更為焦香，帶淡淡檸檬嘅酸同香，入口唔會太漏，想食甜品不妨一試！
午市套餐仲可以免費升級賞茶波霸奶茶，平時飲一杯都要三十幾蚊，跟餐飲性價比超高！
