串燒屋

营业中

休息中

今日男朋友接我收工，去左牛頭角一間隱世小店食串燒，因為入座已經9點半，所以每人$198，2個半鐘頭任食。店員勁好態度，勁有耐性咁同我哋介紹餐廳嘅安排個啲，出面可以拎飲品同埋前菜、菜等等。雖然種類唔多，但好夠，最中意就係有無糖烏龍茶。落單主要分4類，有串燒、網燒、炸物同埋是日餐牌，黑板上面寫左幾款當日先有，有生有熟，跟返對應number寫係其中一張紙就得。我哋每樣叫左少少試左先，好食先再encore，串燒類放上去燒會自己轉，完全係我呢啲懶人首選，不過就等嘅時間就要耐少少，因為火力唔算好猛。我覺得肉類都好好食，而且質素都唔錯。網燒類就都係大路野，我哋encore左幾次係厚燒肉子、牛同埋蠔，我哋都係偏向網燒比較多，因為男朋友冇咩耐性，同埋限時想食多啲。而小食基本上淨係簡左幾樣叫左一次就冇再叫過，係等緊食中途可以食下炸物都幾開心。整體黎講，抵食！而且款式都幾多，係牛頭角一個唔起眼嘅地點，都算隱世。