四川風味

营业中

休息中

嘩！終於開到出旺角啦！我真係好鍾意食麻辣涼皮！香港好難搵到呢隻咁貼近大陸街邊十蚊兜嘅涼皮！雖然佢好寡，冇咩餸，只有幾片豆卜，同見佢係十幾兜調味料，左一匙羹左一匙羮，好似要集齊周期元素表一樣，但！呢嘀先係精髓你睇👀幾壯觀！我曾經係香港食過搵過太多涼皮！唔係話唔好食，有時就變咗好似個水晶粉，一時個味都未校啱！我其實只想簡簡單單，咁食個酸酸辣辣嘅涼皮，真係咁難咩！不過皇天不負有心人，有次唔覺意行葵芳，我朋友帶我去試呢間四川小店！佢冇位！但人龍好長！佢重可以加好多餸！好滿足呀！就係呢隻味！有時人就係咁，你特登去搵，永遠搵唔到，冇啦啦，你唔搵就出現！正所謂有心栽花花不開，隨緣就會遇到，阿彌陀佛！