銀龍餐廳牛扒之家 (已結業)

數下手指師傅都有好一陣子冇見小玲老師, 冇辦法啦呢期各有各忙, 難得早一排大家都抽到時間, 於是就約出黎聚一聚; 但食飯地方就冇刻意選擇, 諗住到嗰刻睇下大家想食咩先至決定, 講真師傅覺得都幾隨意架! 既然玩隨意, 師傅亦懶得做資料搜集; 準時見到小玲老師後, 就喺呢區四圍行下, 睇下有咩想食啦; 最後小玲老師話去茶餐廳, 師傅喺毫無頭緒下見到呢間食店, 於是就揀左呢間食店作為晚飯嘅地方!入到去食店發覺水靜河飛, 師傅已有不祥之感, 覺得中伏機會應該甚大, 正當想縮沙之際就已有侍應黎到面前帶位, 喺無路可退下只好硬著頭皮去試一試啦! 坐底後師傅第一時間睇下個餐牌, 即刻想知有咩好食; 餐牌裡選擇甚多, 可惜冇咩款式特別吸引, 最後小玲老師揀左瑞士汁干炒牛河, 而師傅就揀左馬來炒貴刁, 餐人飲兩杯都係凍檸茶! 閒談一陣後凍檸茶率先登場, 由於師傅當時太口渴, 所以忘記左映相; 先講下杯凍檸茶, 茶味欠奉, 絕對係有茶色冇茶味, 而檸檬唔清新, 唔覺得新鮮, 整體而言“差”! 再等左好耐先至有野食, 兩款食物差不多同一時間出場, 瑞士汁干炒牛河同馬來炒貴刁, 咁師傅先講下馬來炒貴刁, 馬