影片
更多
2021-12-21
82 浏览
太耐無返鄉下，有時豪豪地食一餐都平過呢兩年慳返嘅機票錢，今晚就把心一橫叫咗京都漁港二人前 ($498/位)。北海道帆立貝軟滑鮮甜，牛油汁好香口，甜度有10分，係驚嘆「果然係北海道嘅味道」咁嘅水準。青森殘酷網鮑唔係得個名咁簡單，好少可食到鮑魚除咗煙韌彈牙之外，邊界同中心嘅口感略有不同，好有層次，配柚子胡椒冇得輸。函館北寄貝係全晚最滿意嘅一道，即使食遍無數北寄貝刺身都俾佢驚豔到。 首先係超厚身，片左幾片都依然比一般刺身厚，入口彈牙鮮嫩有肉感，好似食咗塊嫩口版超巨型貴妃蚌咁，非常滿足。不免俗地玩左一手赤蝦活動，男友手大拎咗七隻，引起隔離枱驚嘆。 燒蝦上台嗰陣其實我都覺得有賺，大大隻又好新鮮，重點係店員燒得啱啱好僅僅熟，灑咗少少鹽，簡單樸實已經好正。蟹味噌甲羅燒就係食開嘅味道，蟹肉蟹籽都足料，值得一讚塊多士燒得好脆好好食。鐵板燒野菜牛肉炒拉麵超有鑊氣又唔會油，食飽飽都忍唔住爭住食。 牛肉亦都係靚嘢，有日式燒肉嘅水平。
北海道帆立貝軟滑鮮甜，牛油汁好香口，甜度有10分，係驚嘆「果然係北海道嘅味道」咁嘅水準。
青森殘酷網鮑唔係得個名咁簡單，好少可食到鮑魚除咗煙韌彈牙之外，邊界同中心嘅口感略有不同，好有層次，配柚子胡椒冇得輸。
函館北寄貝係全晚最滿意嘅一道，即使食遍無數北寄貝刺身都俾佢驚豔到。 首先係超厚身，片左幾片都依然比一般刺身厚，入口彈牙鮮嫩有肉感，好似食咗塊嫩口版超巨型貴妃蚌咁，非常滿足。
不免俗地玩左一手赤蝦活動，男友手大拎咗七隻，引起隔離枱驚嘆。 燒蝦上台嗰陣其實我都覺得有賺，大大隻又好新鮮，重點係店員燒得啱啱好僅僅熟，灑咗少少鹽，簡單樸實已經好正。
蟹味噌甲羅燒就係食開嘅味道，蟹肉蟹籽都足料，值得一讚塊多士燒得好脆好好食。
鐵板燒野菜牛肉炒拉麵超有鑊氣又唔會油，食飽飽都忍唔住爭住食。 牛肉亦都係靚嘢，有日式燒肉嘅水平。
张贴
