肉骨茶分咗馬來西亞版同埋新加坡版！馬來西亞肉骨茶係藥材味比較重，而新加坡肉骨茶就係胡椒味重啲。我不嬲鍾意藥材味所以今次叫咗馬來西亞肉骨茶。
🌟馬來西亞肉骨茶
肉骨茶果然好重藥材味！而且入邊材料豐富！金沙骨煮得好琳好好味！一鍋兩個人分啱啱好！
🌟海南雞飯
例牌嘅份量都幾多。雞肉好嫩滑，啖啖肉之餘也冇乜肥膏。油飯又夠香，好正宗。
🌟百味啫啫芥蘭
用啫啫雞煲嘅方法去煮芥蘭令到啲芥蘭好香口同入味，同時啲芥蘭又好爽甜，配搭得非常好！
🌟炸香蕉🍌
絕對推介！炸香蕉可以做埋甜品，外脆內軟，加埋個蜜糖汁真係好好味！
餐牌好多好健康嘅嘢飲，而且好多選擇！我地揀左檸檬薏米水同檸檬香茅花茶
