新肥泉海鮮大排檔

营业中

休息中

喺香港間唔中喺啲熟食攤檔就會出現啲隠世美食，見依間喺食評上有好多個😋，咁啱今晚會經過果頭，於是決定今晚喺呢度開飯，這間位於佐敦官涌市政大廈2樓熟食中心嘅新肥泉海鮮大排檔，由佐敦地鐵站C2出口行大概八分鐘度就到，地下扶手電梯已經可以見到這店的宣傳牌，一啲都唔難搵，環境就當然同一般喺街市內嘅熟食大排檔一樣，平日嘅晚上七點左右，唔算好多人，可以自己揀張枱坐，坐低無耐就會有人提供啲兜俾客人洗餐具，仲有衞生紙供應，落單係自己掃二維碼落的，叫咗黑椒薯仔牛柳粒$128、豉汁蒸白鱔$168、酥炸廣島蠔$138及冰鎮大鮑魚每隻$48，先上冰鎮大鮑魚，鮑魚唔韌，彈牙，但個味就比較淡，廣島蠔size都大，唔會過多炸粉同油膩，白鱔都滑身，但略嫌切得比較薄如果切得厚身啲口感會豐富啲，至於個牛柳粒我自己就最like，牛肉淋身，黑椒味剛好唔會搶喉，薯仔夠淋，上面放咗啲腰果增加脆口，這個菜真的做得不錯，價錢方面（需要加一服務費）可能比一般大排檔高啲，但食海鮮嘅價比較高也正常嘅，整體嚟講係不錯.#大排檔#街市#熟食中心#官涌#dinner#晚飯#海鮮#🦪#牛柳#薯仔