木戶

营业中

休息中

尖沙咀棉登徑附近食市林立,同朋友用OPENRICE,搵到呢間日式串燒店!即刻去試下!淡路島產新玉蔥配自家製雞肉火腿沙律原本都唔鍾意食蔥,因為好攻鼻,但係新玉蔥又唔會太攻鼻,反而同雞肉火腿沙律好夾,好開胃!雞心:好爽口,好JUICY,汁燒雞心唔會太乾身,好食!雞頸肉:鹽燒既雞頸肉比預期中無咁乾身同埋多肉地,唔會太咸,小小既鹽將雞肉味燒得好出!自家製雞肉丸配黃金蛋:雞肉丸啖啖肉,配上黃金蛋令雞肉更滑,超正!超足料!牛油果豚肉卷,估唔到可以咁夾,豚肉既肉汁同牛油果絕配,又唔會太油膩,好好食燒日本青椒仔配上木魚碎,咸咸地得黎又有青椒既鮮味,好爽口!北海道天婦羅松葉蟹腳:松葉蟹腳好多肉,又有蟹味,天婦羅外層皮炸得薄薄,絕無搵笨!明太子紫蘇葉豚肉卷,紫蘇葉既香味將豚肉既肉汁帶上另一層次,明太子份量超多,每一啖都好滿足!日式醬油昆布飯團,日式醬油唔會太咸,飯團外層脆脆,內層又唔會太乾,紫菜又夠脆,估唔到咁好食既飯團!招牌!!!宮崎式雞腿肉炭火鐵板燒,唔講完全唔知係雞腿肉,賣相似海鮮,食落更似海鮮,肉汁多到爆出黎,超級香口,雞腿肉又夠幼嫩,超正!最緊要係D菜,吸收哂D雞腿肉燒出黎既油,正到爆!每人50