河內越式料理 (西洋菜南街)

最近同朋友行經之前返工成日會食嘅越南餐廳河內越式料理，就買外賣返屋企重溫下佢嘅美味。

今次揀左一款未食過嘅順化牛肉檳河，餐廳都做得幾正宗👍 牛肉醃製得好好食，加上越式米粉整成正方餅狀，夾上各種蔬菜配料同香葉，再加埋魚露，夏天食好清爽，不得了😋😋

招牌越式三文治有豬肝醬，扎肉同其他香菜，蘿蔔絲等等，個包外面夠晒脆，食落少少煙韌口感，加埋各種豐富味道嘅配料，好滿足！

1

香茅豬扒撈檬，豬扒即叫即炸，外皮酥脆，香茅味突出，配上清爽檬粉同越南魚露醬汁，酸甜開胃，加埋爽滑檬粉，味道豐富。

牛腩河，湯底有獨有牛肉香氣，飲起嚟鮮甜順口，牛腩片夠嫩味濃，份量亦唔少。越式河粉特別滑溜順口，加埋少少香料同辣椒，太好食。