煮植 (已結業)

跑完步路過見佢全間店係做全素外賣，好奇之下試一試。叫左$56佛陀碗外賣。廚師係個後生仔，係廚房好自在同專心咁煮我盒外賣，一定好新鮮。返到屋企，一打開個盒，咁大盒嘅，賣相好靚，但食完至記得無影相🥹！入面有我好想食嘅金平牛蒡，牛蒡好香，又配上甘筍絲，再灑上炒香的芝麻，畫龍點睛，味道好好，好好食。仲有黃薑粉炒碎豆腐，扮蛋扮得好似🤣。另外仲有紅菜頭，酸酸地。食完盒飯，好飽，仲要無味精，腸胃無負擔。下次再試佢嘅滷水飯！