煮植 (已結業)

最近轉食素，昨天冇意中搜尋到這間小店，第一次去試食，早到等了一會入坐。味道很適合素食人士，最重要係不需飲可樂(本人有味精敏感症)，但被告知👉這店將會在8月尾結業！😔市面上的素食店十居其八都有味精🤔包括一些名牌老店!!!不需要吧，一般素食人士都係想食得清淡😲有心做好素食的店舖將結業，實在很可惜！

一間小店！滿有格調，說不出什麼等格！但有湯麵、有漢煲、炸物選擇！所以都岩不同人口味！相片未提及炸雞髀菇，都是大推的小食♥️♥️♥️飲品、小食、湯都可以跟餐，價格都算合理！店舖還提我小量特色樂器供人試玩！

跑完步路過見佢全間店係做全素外賣，好奇之下試一試。叫左$56佛陀碗外賣。廚師係個後生仔，係廚房好自在同專心咁煮我盒外賣，一定好新鮮。返到屋企，一打開個盒，咁大盒嘅，賣相好靚，但食完至記得無影相🥹！入面有我好想食嘅金平牛蒡，牛蒡好香，又配上甘筍絲，再灑上炒香的芝麻，畫龍點睛，味道好好，好好食。仲有黃薑粉炒碎豆腐，扮蛋扮得好似🤣。另外仲有紅菜頭，酸酸地。食完盒飯，好飽，仲要無味精，腸胃無負擔。下次再試佢嘅滷水飯！

今日真漢子終於試咗想試好耐嘅煮植，地址係大角咀海庭道 8 號富榮花園第一期地下。老闆幾有型又友善，間鋪自己一個人打理哂，但聽住佛經一路煮嘢食又好悠然自得。☺️我今次試咗：🪙 秘製滷水五寶飯 $56五寶包括普寧豆腐，麵腸，木耳，雞脾菇（杏鮑菇），花生，仲搭咗啲好新鮮嘅菜心。啲餸好入味，尤其係豆腐同雞脾菇，配埋啲滷水汁好好送飯。花生炆得夠哂腍，阿叔最愛。木耳係原塊上，好爽又有咬口。麵腸好多傳統齋鋪都有，估唔到呢度都食到，咬落好彈牙。😁🪷 佛陀碗 $56有金平牛蒡，紅菜頭，黃薑炒滑豆腐（高仿蛋），灼時蔬。牛蒡絲好多好爽口，紅菜頭係厚切一片片，食落清新又多汁。高仿蛋個味調得好好食，強烈建議應該加入其他菜式度，例如高仿蛋治。🍳🥪至於點解叫佛陀碗呢，我 Google 咗：“佛陀每天無論步行到何處，都會帶著缽化緣。人們把食物放在缽裡供養，最後佛陀會吃完缽中的食物。這便是最起初的佛陀碗「來自人民、方便取得，且願意提供與分享的一大碗食物。」演變至今，佛陀碗主要目標是盡可能多吃各種顏色和營養豐富的食物。”🥣 紅菜頭什菜湯 $18（跟餐 +$12）酸酸哋有啲似羅宋湯，咁熱天時飲啱哂啦，夠哂開胃。😋店內所有菜式

試左B餐黑椒汁薯仔甜椒煎雞髀菇飯有驚喜，黑椒汁夠濃，撈飯好味，雞髀菇界左花再煎，有口感又juicy，薯仔切細粒，夠淋索晒d汁，薯仔怪表示出色。舖頭仔得兩個位，最好叫外賣，如果自備盒同餐具仲可以減3蚊。

今天舊曆十五，平時每月也有2 天素食。突然想起富榮花園有間素食小店，趁今日素食天，姑且一試。意想不到的街坊素食小店，很有水準，感受到㕑師的心機，值得，很好吃😋👍🏻我相信自己也會因此食多些素餐。

煮植係附近開咗一排，之前都係買下cup cake佢有幫 「汝浪共融」收集罐罐，所以我間唔時除咗去買cup cake, 都有麻煩佢幫忙寄存罐罐因為今日行守聖灰禮儀，全家要守齋。所以終於有機會叫佢嘅主菜今日叫咗常餐，沙茶醬麵腸淮山麵+花生醬香蕉飛碟另外係𠧧水五寶飯食落完全無味精，感覺清新

今次是第一次寫食評，因為真的要讚一讚這間小店。無意經過，門面非常企理，職員亦非常有禮。1。栗米磨菇白汁天貝飯：飯同汁分開，很細心，味道不會太濃，淡淡的，很不錯2。鹽酥雞髀菇：味道好，口感好，不會太乾或太濕，外脆內軟（必食）3。木瓜香蕉豆漿：真材實料下次一定會再幫襯，健康又好食，相當夠份量，性價比高！完全唔覺得自己食緊素，唔食素的人都適合

本身自攜飯盒去自取，俾錢個陣價錢平左，問返原來自備餐盒減3蚊，好有心支持環保。叫左個秘制素滷水五寶飯，有五寶之餘又有幾條菜心，口感好豐富，就算食素都唔會話好寡，同埋一啲都唔油膩，滷水味係屬甜度多啲既一派。蘿蔔冇渣，幾清甜，好入味麵腸第一次食 煙靭口感唔錯豆腐好正，入味，有口感蓮藕爽身菇係我個人鐘意既口感，爽爽脆脆$49呢個價錢冇咩好挑剔既地方，難得有間素食外賣店係大角咀，可以支持下。如果可以whatsapp落單就好，本身Lunch前WhatsApp問，暫時未有人覆，就直接落店買了。

大角咀富榮花園最近開了間純素外賣店，近近地行過去幫襯下。菜式配搭望落夠晒營養均衡，蛋白質來源亦很多樣化，仲有湯和健康飲品，價錢唔貴可以拎食物盒去支持下呀。富榮花園附近有辦公室有學校，加上位在巴士站大街上，午飯時間都幾人來人往。店內不設座位只做外賣，可以自備食物盒來買，會有特價優惠。店內小陳設，等外賣的時候可以玩。有印度卷餅皮和環保餐具賣。新鮮洛神花。主餐有飯有麵都算多元化，各種蔬菜加上鷹咀豆、天貝、豆腐和雞脾菇等蛋白質來源，無用素肉，配搭看起來所健康。另外有小食、豆漿和低糖茶飲。中東鷹咀豆蓉卷餅(含五辛) HK$38印度卷餅比較薄和軟身，入面有四種鷹咀豆蓉丸、青瓜、生菜和蕃茄，再加少少沙律醬幾好味，份量唔多可以當小食。黑椒汁煎雞脾菇豆腐意粉 HK$52 黑椒汁夠惹味，雞脾菇和豆腐份量幾多，仲有兩大舊西蘭花，整個營養均衡非常棒。意粉係茶餐廳果種軟身口感，唔係意大利餐廳al denta，配黑椒汁好適合。就算你唔係食素，間中食多點菜吃健康點都係對自己好的行為。