大喜屋 (已結業)

今日日間好休閑，同愛人去咗尖沙咀大喜屋食放題，鍾意呢間因為可以見到天空，有陽光陪我哋慢慢食。呢間大喜屋放題真係好嘆㗎，連飮品、甜品、沙律、冷盤都係寫order紙，唔洗自己出去攞，正一坐定定有得食。除左罐裝飲品，仲有時令果汁、三款特飲、冷及熱清酒、凍梅酒，我好喜歡杯凍梅酒，加左冰夠凍，配燒物一流👍🏼沖繩黑糖網燒牛仔肉，燒得五成熟，個邊少少焦脆，入邊肉嫩多汁，食落好香牛味；燒溫室甜菠蘿，推介之選，無皮、超甜；其他燒物如燒鯖花魚、燒海黃花、鹽燒牛舌都好味道；令我食左四件嘅海膽手卷，海膽實在多，依家諗返起都口水分泌中🤤可惜嘅係雪糕今次無杯裝，只供應軟雪糕，有豆腐味、黑芝麻味或兩溝，要左兩溝，個黑芝麻還可以，但豆腐味唔夠滑，有D失望。