影片
更多
2022-07-09
75 浏览
辛苦工作完一整天，當然想找一間餐廳，可以同朋友傾下偈，飲下酒，同時又可以放鬆一下。今日嚟到旺角呢間餐廳，發現除咗嘢食做得出色之外，就連佢哋嘅酒都調教得非常美味，絕對值得推介!～餐廳室內的環境非常寬敞，坐得好舒適，感覺悠閒寫意。<炸蠔 六隻 $68>炸蠔係即叫即炸，隻隻都脹卜卜，熱辣辣，咬落去好多肉，外面炸得極為香脆，入面好軟身，入口仍帶有蠔肉嘅海鮮味道，非常好食。<比目魚·帶子香草意粉 $138>比目魚份量非常之多，有成大半隻碟咁大，肉質非常之嫩滑，餐廳用上嘅比目魚亦非常之優質，佢哋用嘅係比目魚柳，入口啖啖肉，完全冇骨，輕煎過嘅魚肉，鮮甜肥美。除此之外，意粉亦都煮得非常之高水準，用上香料、奶油、同大量嘅香草，同埋三文魚子作為配搭，入口非常creamy 惹味。帶子嘅份量亦都唔少，兩粒都好大粒呀！！<澳洲和牛肉眼香草意粉 $208>和牛肉眼扒大約煎至五成熟左右，外面微微焦香，入面依然能夠鎖住肉汁，牛扒嘅肉質亦相當高質，入面夠粉嫩，入口有牛肉味，味道好濃好好食。意粉用上大量嘅蒜蓉、橄欖油、同埋仲有好 creamy嘅醬汁和香草一齊來煮，所以特別惹
餐廳室內的環境非常寬敞，坐得好舒適，感覺悠閒寫意。
<炸蠔 六隻 $68>
炸蠔係即叫即炸，隻隻都脹卜卜，熱辣辣，咬落去好多肉，外面炸得極為香脆，入面好軟身，入口仍帶有蠔肉嘅海鮮味道，非常好食。
<比目魚·帶子香草意粉 $138>
比目魚份量非常之多，有成大半隻碟咁大，肉質非常之嫩滑，餐廳用上嘅比目魚亦非常之優質，佢哋用嘅係比目魚柳，入口啖啖肉，完全冇骨，輕煎過嘅魚肉，鮮甜肥美。
除此之外，意粉亦都煮得非常之高水準，用上香料、奶油、同大量嘅香草，同埋三文魚子作為配搭，入口非常creamy 惹味。
帶子嘅份量亦都唔少，兩粒都好大粒呀！！
<澳洲和牛肉眼香草意粉 $208>
和牛肉眼扒大約煎至五成熟左右，外面微微焦香，入面依然能夠鎖住肉汁，牛扒嘅肉質亦相當高質，入面夠粉嫩，入口有牛肉味，味道好濃好好食。
意粉用上大量嘅蒜蓉、橄欖油、同埋仲有好 creamy嘅醬汁和香草一齊來煮，所以特別惹味。
Signature Cocktail
<Sencha 荔枝煎茶 $98>
呢杯cocktail非常容易入口，因為帶有果香同清甜嘅味道，而後勁就帶有少少vodka嘅酒味，由於感覺較為Fruity，個人覺得好適合女士飲。
<威士忌燻茶 Lapsang Souchong $98>
入口先來一陣陣煙燻的香氣，亦有微淡黑茶混和的味道，然後便品嘗到威士忌的酒味，調較得非常容易入口。
整體來講，個人好鍾意呢間餐廳嘅空間感，亦都覺得佢哋嘅食物水準非常之高質，用料尚盛，絕對可以媲美高級嘅西餐廳。
另外值得一讚嘅係，佢哋嘅調酒師調教出嚟嘅cocktail都非常之好飲，如果下次有機會再來嘅話，一定要試多幾款唔同口味嘅cocktail。以呢個價格來講，呢度係絕對值得過嚟幫襯嘅，絕對係高質抵食之選！！～
张贴
