陶源酒家 (已結業)

今日去開大角咀個頭，又唔想打邊爐，係唔知食咩既情況下見到呢間酒樓，心諗食少少算喇~入去後覺得裝修都幾靚，睇睇菜牌後就叫左幾款菜！阿媽教落食飯前就要飲啖湯先今晚就豪少少叫左個佛跳墻黎飲，料多湯足，有大大條翅，又有海參、鮑魚、瑤柱等，好多野食，湯又鮮甜，係好飲既~身為健康小隊既我當然就注重健康喇！秋葵有壓血壓之效，耐唔耐食吓，對身體係好d既~呢碟秋葵小食，用左川式做法去處理，微辣中富咸香，口感清爽，無晒潺味，好食好多呢碟乍眼望落去以為係一份鮮蝦沙律，食落先發覺並唔係咁簡單，因為除左蝦好爽口好彈牙外，就係有好多黑松露同蟹肉係入面，香味十足，又異常爽脆鮮味，甚是開胃，無論淨食定送飯食都係正唷！