陳茶館芋圓甜品專門店 (馬頭圍道)

营业中

休息中

同區有兩間分店，鋪面好光猛乾淨，坐得舒服嘅😌糖水款式多，想養生又得，或者想大滿貫又得，相信唔難搵到心水價錢同份量都係正路🙌🏻佢嘅糖水底有豆漿、椰汁、冬瓜茶沙冰，同埋奶茶比你揀😚，豆漿係較為健康之選👍🏼《芋泥紅豆仙草二重奏》($38)佢啲芋頭做到好綿密，同時又有啲小塊芋頭增加口感，欣賞佢係真實芋頭味，唔係人造化學味，味道適宜，唔會太甜，份量又大方，啱晒芋頭愛好者🫶🏻佢嘅芋圓都好受歡迎，《四喜仙草》($36) 就有曬芋圓、桃膠、仙草，屬熱門選擇