肉料理 廣

营业中

休息中

幾個月之前嚟過呢間餐廳食飛驒牛，見到佢餐牌上面除咗飛驒牛之外仲有其他嘅肉類，而且賣相都唔錯，所以今次就黎食返啲平價小小嘅肉🤣🤣🤣叫咗一個牛肉特選盛，裏面有上牛小排、US和牛厚切上外橫膈膜、澳洲腰脊肉、上里脊肉同埋三筋🤤賣相唔錯而且每款都有四舊，都幾抵食👍👍而且每一款食落去嘅牛味都唔俾飛驒牛爭好多，同埋全部都冇筋🤣🤣如果唔係太多budget食飛驒牛嘅話食呢一款都唔錯👍另外就叫咗一杯檸檬梳打，檸檬同埋梳打係分開上嘅，俾我自己榨檸檬汁，可以想要幾酸得幾酸，畢竟每個人對酸嘅要求都唔同😆幾特別，食住燒肉特別可以解膩😋最後餐廳仲送咗一球豆腐雪糕🍦黎結束滿足嘅一餐🤤🤤