影片
更多
2010-02-17
8 浏览
呢間舖頭，原來openrice最近咁多人俾喊面佢，嘩！好彩，食落都唔係真係咁差唧（除左服務）！決定還佢一個公道，俾個ok佢啦！！晏晝食完餐平但受氣嘅，夜晚諗住食好d，喺openrice search左一陣，決定往尖咀進發，為怕過年d食店無開，已經一早搵定三間心水選擇，諗住點都有間ok，點知......「萬豚屋」同「Doraya」都無開，另一間西餐老婆去到又話唔想幫襯，結果兜兜轉轉就來左呢間最近好多人負評嘅「岡田咖啡」嘞。呢度係坐得幾舒服嘅，不過張枱就細左d。叫左兩個晚餐同老婆一齊share。一個係白汁三文魚意粉，一個係吉列蠔 漢堡扒飯。餐沙律同餐湯先上，沙律係一般的港式蘋果沙律，仲有一隻蝦仔咁，湯唔係一般的忌廉湯或羅宋湯，係帶點辣味的清湯，不過都係一般貨色，無乜特別。相對來說，比較好味的要算係主菜。個意粉算係及格，味道尚佳！更好味的係個吉列蠔 漢堡扒飯，蠔有三隻（當然係蠔仔啦，唔通會係大隻的蠔咩），漢堡扒也有兩塊，吉列蠔跟沙律醬，漢堡扒就另有醬汁，食落算幾好味！至於跟餐的咖啡，可能因為係普通咖啡吧，飲落唔覺有何特別的地方，正常咖啡一杯而已。（但呢度係岡田咖啡喎！）呢度有樣唔好的地方係
晏晝食完餐平但受氣嘅，夜晚諗住食好d，喺openrice search左一陣，決定往尖咀進發，為怕過年d食店無開，已經一早搵定三間心水選擇，諗住點都有間ok，點知......「萬豚屋」同「Doraya」都無開，另一間西餐老婆去到又話唔想幫襯，結果兜兜轉轉就來左呢間最近好多人負評嘅「岡田咖啡」嘞。
呢度係坐得幾舒服嘅，不過張枱就細左d。叫左兩個晚餐同老婆一齊share。一個係白汁三文魚意粉，一個係吉列蠔 漢堡扒飯。
餐沙律同餐湯先上，沙律係一般的港式蘋果沙律，仲有一隻蝦仔咁，湯唔係一般的忌廉湯或羅宋湯，係帶點辣味的清湯，不過都係一般貨色，無乜特別。
相對來說，比較好味的要算係主菜。個意粉算係及格，味道尚佳！更好味的係個吉列蠔 漢堡扒飯，蠔有三隻（當然係蠔仔啦，唔通會係大隻的蠔咩），漢堡扒也有兩塊，吉列蠔跟沙律醬，漢堡扒就另有醬汁，食落算幾好味！
至於跟餐的咖啡，可能因為係普通咖啡吧，飲落唔覺有何特別的地方，正常咖啡一杯而已。（但呢度係岡田咖啡喎！）
呢度有樣唔好的地方係晚餐只跟沙律同餐湯，如果想飲嘢就要加 $20先會有嘢飲同有一件迷你版甜品，甜品款式仲要係不能自己揀，佢地攞乜蛋糕來就要食乜，係無得換嘅！呢樣就真係唔係咁好啦！好似我地咁，有一樣甜品竟然係泡芙來，想話換個件其他款式嘅蛋糕，個女侍應竟然話唔得，真係無佢符呢！！話晒呢度晚餐價錢唔算得上係抵，加埋環境，地點分，只係正常價，換件蛋糕甜品啫，咁都唔得，真係......（不過話時話，可能呢個係公司規定都唔定）
今日兩次見的女侍應都令人唔滿意，唔通今日忌見佢地？
张贴
