影片
更多
2023-01-04
2218 浏览
今晚除夕夜，諗住同老公行陣街，食完飯去倒數。老公話凍凍地，不如去食個火鍋先。餐廳中式裝修，上到黎都full晒。環境乾淨，感覺唔錯。呢度係任食放題，但重點係，5點前入座有6折，5點後入座有8折，真係抵食。另外，佢仲驚你食嘢整污漕d衫，比埋圍裙你，都幾貼心。大多數配料都放在外面自取，配料擺放得好企理整齊。另外如牛肉、豚肉、海鮮同餃類就用qr code點。湯底：老公唔食辣，唯有揀D唔辣湯底。佢揀左個鴛鴦煲，一個係養生藥膳湯，好香花雕酒味，另一個係椰子雞湯，個椰汁味亦好香，兩款各具特色。肉類：我哋只叫牛肉，佢有四款，分別係安格斯牛小排、特級牛板腱、頂級牛梅花肉同埋特級封門柳。賣相唔錯，靚料，牛肉切得厚薄適中，食落都幾有牛味，有口感，一D都唔韌。海鮮及餃類：有海蝦、白鱔片、特級龍利柳、花帢、墨魚咀同魚皮餃，食落帶甜味，新鮮，唔錯。自取配料：有腐竹、龍蝦丸、豆卜、響鈴、炸魚皮、雲耳、豬紅、冬菇、金菇、魷魚同牛栢葉等等，配料種類多，各配料都OK，入口唔覺得佢擺左好耐，真心覺得幾好。蔬菜：有娃娃菜、油麥菜同生菜等等，我只食生菜，菜好綠，爽口。甜品：有雪糕、雪條同甜筒，雪條個牌子係Bulla，呢個牌子係
餐廳中式裝修，上到黎都full晒。環境乾淨，感覺唔錯。呢度係任食放題，但重點係，5點前入座有6折，5點後入座有8折，真係抵食。另外，佢仲驚你食嘢整污漕d衫，比埋圍裙你，都幾貼心。
大多數配料都放在外面自取，配料擺放得好企理整齊。另外如牛肉、豚肉、海鮮同餃類就用qr code點。
湯底：老公唔食辣，唯有揀D唔辣湯底。佢揀左個鴛鴦煲，一個係養生藥膳湯，好香花雕酒味，另一個係椰子雞湯，個椰汁味亦好香，兩款各具特色。
肉類：我哋只叫牛肉，佢有四款，分別係安格斯牛小排、特級牛板腱、頂級牛梅花肉同埋特級封門柳。賣相唔錯，靚料，牛肉切得厚薄適中，食落都幾有牛味，有口感，一D都唔韌。
海鮮及餃類：有海蝦、白鱔片、特級龍利柳、花帢、墨魚咀同魚皮餃，食落帶甜味，新鮮，唔錯。
自取配料：有腐竹、龍蝦丸、豆卜、響鈴、炸魚皮、雲耳、豬紅、冬菇、金菇、魷魚同牛栢葉等等，配料種類多，各配料都OK，入口唔覺得佢擺左好耐，真心覺得幾好。
蔬菜：有娃娃菜、油麥菜同生菜等等，我只食生菜，菜好綠，爽口。
甜品：有雪糕、雪條同甜筒，雪條個牌子係Bulla，呢個牌子係好嘢，澳洲牌子，百年歷史，响呢度見到都有D驚喜，佢係脆皮雪條，好食喎。
张贴
