影片
更多
2020-06-03
572 浏览
呢間位於深水埗荔枝角道新開嘅餐廳，好識做宣傳，因為我喺唔同嘅社交平台都見到佢做緊$15優惠丼飯嘅推廣。由於餐廳喺Office附近，所以我就同同事行過去食個Lunch啦😃。可能係新開嘅關係，加上正值優惠期，餐廳中午時份坐爆場，好彩我哋啱啱有卡位坐。環境就係普通茶餐廳啦，都比較迫，而且我見到地下都幾多垃圾，衞生有待改善🙏🏻。講返正題，我哋嘅目標係$15優惠丼飯🤤，不過入到鋪頭後就唔係好見到個優惠。後尾有唔少客人一入嚟都大聲問清楚店員「係咪仲有優惠嗰個飯啊？」。大家係同路人，留意番餐廳張海報係寫呢個優惠做到「6月31日」㗎🤣！$15優惠丼飯係指定款式的，好似日日唔同。今日係炒蛋豚肉飯(原價$36)，無論餸同飯嘅份量都幾多，男仔應該夠食。🐷豚肉片有連埋洋蔥絲一齊煮，幾好味，亦都有好多片。至於炒蛋，我自己本身唔係好鍾意配飯食，但同事話覺得幾香、幾滑，唔錯🥚。本身想嗌一人一個$15飯，但又有啲唔好意思，而且想試埋其他食物😉。其實餐廳整體定價都好平，午餐同常餐平均價係$4x。餐牌設計幾靚，清晰易睇，啲相仲影到啲食物令人流晒口水。其中公司常餐C個樣勁吸引，因為湯粉係意大利雜菜湯天使麵🥫。蕃茄湯通粉已經
呢間位於深水埗荔枝角道新開嘅餐廳，好識做宣傳，因為我喺唔同嘅社交平台都見到佢做緊$15優惠丼飯嘅推廣。由於餐廳喺Office附近，所以我就同同事行過去食個Lunch啦😃。
可能係新開嘅關係，加上正值優惠期，餐廳中午時份坐爆場，好彩我哋啱啱有卡位坐。環境就係普通茶餐廳啦，都比較迫，而且我見到地下都幾多垃圾，衞生有待改善🙏🏻。
講返正題，我哋嘅目標係$15優惠丼飯🤤，不過入到鋪頭後就唔係好見到個優惠。後尾有唔少客人一入嚟都大聲問清楚店員「係咪仲有優惠嗰個飯啊？」。大家係同路人，留意番餐廳張海報係寫呢個優惠做到「6月31日」㗎🤣！
炒蛋豚肉飯
$36
12 浏览
0 赞好
0 留言
本身想嗌一人一個$15飯，但又有啲唔好意思，而且想試埋其他食物😉。其實餐廳整體定價都好平，午餐同常餐平均價係$4x。餐牌設計幾靚，清晰易睇，啲相仲影到啲食物令人流晒口水。
意大利雜菜湯天使麵
$45
18 浏览
0 赞好
0 留言
薄牛扒
$45
12 浏览
0 赞好
0 留言
8 浏览
0 赞好
0 留言
總括嚟講，呢間「為食公司」幾唔錯喎，識得做噱頭嘢之餘，最緊要係本身食物味道幾好。丼飯原價$3x都抵食啦，雖然我自己就麻麻哋鍾意食飯。反而我更加推介常餐C，樣樣食物都好食，份量又多👍。我絕對會再嚟啊！題外話，佢份外賣餐牌成本小冊子咁，可謂心機之作🧡。
张贴
