麻辣風雲 (荃碧大廈) (已結業)

之前已經同朋友嚟過一次 今次就帶埋爹哋媽咪一齊嚟孝敬佢哋 佢哋都幾食得辣 所以就揀咗呢間 因為上次食嘅時候都有食酸菜魚 幾好食 所以今次都叫咗比佢哋試 辣度佢哋揀咗小辣 我哋一致都認為小辣係最適合 因為辣得嚟之餘 又唔會蓋過湯頭主角嗰隻酸味 份量尚算足夠我哋食 因為除咗魚肉之外 佢個底本身都有比埋豆卜 芽菜 萵筍 酸菜 酸菜 同埋寬粉 鐘意食寬粉嘅媽媽瘋狂夾嚟食 因為佢話啲粉索晒湯底嘅汁 好入味 令佢食唔停口 啲魚肉一片片 方便我哋夾嚟食 唔會一夾就爛另外我哋都一人揀咗一個小菜 平時飲茶爸爸都一定要食鳳爪 嚟到呢到當然都唔會錯過啦 呢度嘅鳳爪係用泡椒都醃住 對比起茶樓蒸嗰啲冇咁淋同鬆散 食起上嚟彈牙好多 爸爸都食得好滋味 而媽媽就揀咗一道唔辣嘅冷盤 花雕醉雞 因為佢話有冷盤加酒可以解辣 上菜嘅時候已經斬開咗一舊舊 雞件都算幾完整同大舊 唔似某地地方咁甩皮甩骨亂咁砌比你咁 雞肉好嫩滑 雞肉酒香味濃 好入味 食得出佢哋真係有花時間浸過 食下酸菜魚再食呢個醉雞 又好似真係解到辣 最後我揀嗰個都係唔辣嘅椒鹽魷魚鬚 一上菜 超大份 數唔到有多隻腳 可想而知究竟有幾大份 另一樣要讚嘅係佢炸呢個魷魚