響 - Hibiki 日本燒肉 (已結業)

呢間任食燒肉、刺身、天婦羅、啤酒汽水、雪糕甜品，真係近期放題餐廳推介冇得輸！朋友介紹餐廳做緊折扣優惠，一行四人決定上樓試吓。放題分兩段時間，剛好八點人齊就可以入座。店員細心探熱同提醒行出行入一定要佩戴口罩。一坐低店員已經奉上一大盤牛肉精點，當中包括澳洲和牛西冷、澳洲和牛肉眼、澳洲和牛胸腹、雞翼、雞肉腸、美國牛肋骨、豚西冷⋯⋯牛肉控一定要樣樣都試。其中澳洲和牛胸腹最靚最好食😋，朋友說牛肋骨非常香口有牛肉味。其次就係每人一邊龍蝦🦞，龍蝦非常多膏，我哋一致認同好過酒店的多多聲，不過呢個就冇得再encore。留返個肚比其他好嘅食食物刺身實在係放題重點之一，應有盡有：八爪魚、三文魚、海膽和甜蝦等，一上枱就清晒。但係唔使急因為係放題仲可以再添！登登登登！最驚喜係海老(大蝦)，非常非常之大隻，燒烤後不失蝦甜味，燒烤時間又不長，建議燒烤前加點海鹽更加惹味提鮮！飲品區和雪糕佢都豐富無比，酒類、汽水、涼茶都有。雪糕、雪條、乳酸甜品和西餅蛋糕都有。七九折優惠確是吸引。2.5小時絕對夠食，一定再去食。