影片
更多
2019-01-25
245 浏览
一到咗星期六假期,肥胖二人組終於可以大覺瞓直到自然醒...經過十幾小時嘅空肚洗禮狀態,一起身就即刻衝出嚟旺角打番個放題邊爐。知道創興新開咗間<日日涮>,價錢非常之優惠,午巿可以60分鐘用膳任飲任食,今次發達喇!!!估唔到咁平嘅價錢湯底都可以揀選鴛鴦鍋,我同阿肥一人就點咗一款口味,日式壽喜燒+日式豆乳湯~一邊濃味一邊淡味,啱哂啦~趁住個湯底未嚟,當然首當其衝標出去自助區域盡情夾取自己鍾意嘅食物,嘩...款式真係多籮籮,加加埋埋都有成廿幾三十款,不論丸類,腸類,蔬菜類,連熟食類嘅白雲豬手同雲耳青瓜都有,勁呀!!!夾完嘢食番埋位,已經見到成枱都係肉喇原來阿肥點咗好幾款靚牛肉,包括有特級美國肥牛,美國頂級牛小排,澳洲和牛同埋日本霜降和牛...每款都可以用肉眼睇得出紋理嘅分別,不同嘅油脂分佈仲有色澤嘅差異。每款口味都各有特色,配合不同人士嘅喜好。本小姐最愛就係薄薄嘅美國頂級牛小排,牛味香濃之餘入口又冇肉渣,輕輕淥差唔多一分鐘左右食都冇問題,每款牛肉嘅香氣都不盡相同,貨真價實,配合埋日式嘅湯底滿足又好味。生牛肉嘅賣相已經夠哂吸睛,晶瑩剔透嘅牛肉顯見師傅刀工一流,不禁令人keep住咁
估唔到咁平嘅價錢湯底都可以揀選鴛鴦鍋,我同阿肥一人就點咗一款口味,日式壽喜燒+日式豆乳湯~一邊濃味一邊淡味,啱哂啦~
趁住個湯底未嚟,當然首當其衝標出去自助區域盡情夾取自己鍾意嘅食物,嘩...款式真係多籮籮,加加埋埋都有成廿幾三十款,不論丸類,腸類,蔬菜類,連熟食類嘅白雲豬手同雲耳青瓜都有,勁呀!!!
夾完嘢食番埋位,已經見到成枱都係肉喇原來阿肥點咗好幾款靚牛肉,包括有特級美國肥牛,美國頂級牛小排,澳洲和牛同埋日本霜降和牛...每款都可以用肉眼睇得出紋理嘅分別,不同嘅油脂分佈仲有色澤嘅差異。每款口味都各有特色,配合不同人士嘅喜好。本小姐最愛就係薄薄嘅美國頂級牛小排,牛味香濃之餘入口又冇肉渣,輕輕淥差唔多一分鐘左右食都冇問題,每款牛肉嘅香氣都不盡相同,貨真價實,配合埋日式嘅湯底滿足又好味。生牛肉嘅賣相已經夠哂吸睛,晶瑩剔透嘅牛肉顯見師傅刀工一流,不禁令人keep住咁不停淥,食肉獸就啱哂啦~我自己就鍾意食杏鮑菇呀,海膽丸呀,芝士魚蛋呀,豬紅呀,八爪魚丸呀,粟米呀南瓜呀咁,呢度亦都通通一應俱全,幾乎想食乜就有乜。出面除咗有打邊爐必備嘅菜式之外,仲可以自取出前一丁或者辛辣麵,大胃王真係唔好錯過喇。
我同阿肥用呢一個鐘頭時間不停烚烚烚同不停咁食食食,嗱嗱聲K.O.啲肉呀鹹點呀咁,就出去雪櫃度拎埋甜品,款式雖然唔係話好似自助餐咁多,但係對我嚟講都算好足夠喇,大部份都係我至愛嘅口味,包括有朱古力泡芺,藍莓芝士撻,咖啡蛋糕,柚子奶露,日式和菓子等等,包你埋單嘅時候已經反哂艇多款汽水果汁低糖茶類同雪糕一樣有,大家能唔能夠成功回本兼賺凸就睇各位嘅能耐喇
13 浏览
0 赞好
0 留言
7 浏览
0 赞好
0 留言
张贴
