樂天皇朝 (青衣城1)

营业中

休息中

2次訪問樂天皇朝，第一次有試到佢哋嘅小籠包，最出色嘅一定係佢哋嘅八色小籠包咁！不過今次試吓其他上海菜，都唔錯！家鄉蔬菜包本身都冇諗過點呢一個包點，因為係素菜，覺得可能會冇乜味。但反而我覺得呢一個包幾出色，入邊都係碎咗嘅菜同埋菇，食落嘅口感同包嘅軟熟混埋一齊，我自己覺得比起普通菜肉包，更加好食！京蔥爆美國牛小排，佢嘅牛小排非常之軟熟，雖然份量唔係好多，味道有啲似上海炒年糕嗰隻味，好夠味！因為另外叫咗雪菜鹹肉炒年糕，朋友覺得味道偏淡，加埋美國牛小排咁樣食就好好食！因為自己食得偏淡，對我嚟講啱啱好，雪菜好多，但唔會好重口味，配少少鹹肉夾埋一齊食就正！