燒烤堂

营业中

休息中

約咗朋友食串燒，揀咗呢間燒烤堂，店舖細細，生意都好好，我哋平日嚟到，都差不多滿座。當日Sapporo 生啤有買一送一優惠，$48 有兩杯，當然唔同佢客氣盡情飲😆。燒烤/串燒食咗十幾款，特別推介以下幾款：蒜蓉粉絲燒蟶子皇，大大隻又新鮮。豚肉牛油果卷，牛油果🥑迷必食，豚肉包住牛油果，口感有啲似豚肉包住三文魚，好好味。麻辣豬大腸，完全冇臊味，調味做得好好，而且燒得好香口。我自己喜歡加上幾滴檸檬汁，好夾。燒茄子好大隻，夠晒入味除咗普通串燒，其實佢啲燒海鮮都好新鮮，除咗蟶子我哋仲試咗生蠔同埋扇貝，幾樣都唔錯。總括嚟講餐飯都好滿意，啲燒烤味道全部都唔錯，啤酒又係抵飲，店員態度又好，就係冷氣大咗啲。