HAND3AG (朗豪坊) (已結業)

去完朗豪坊商場買完嘢搵餐廳買埋飯反屋企，睇左好耐好多選擇，呢間係其中一間多正評所以由高層搭反去B2睇吓岩唔岩食，見到餐牌上面Teppanyaki sandwiches 幾特別，所以叫左一份咕嚕咕嚕脆雞鐵板三文治，另外我屋企人都鍾意食焗野，所以叫埋餐牌入面all day eat 既芝士龍蝦汁通心粉同埋日本溫泉蛋鮮蝦蕃茄芝士燉飯。車程15分鐘反到屋企，即刻開盒食，三文治仲係熱，底面既包仲係乾脆，而入面既雞扒亦仍然好脆，醬汁比例岩岩好，令個包唔會好濕或搶咗雞扒味道。而最有驚喜係芝士龍蝦汁通心粉，厚厚既芝士焗得好好食，通粉仲好彈牙有咬口！