旺記冰室 (九龍中心大廈)

营业中

休息中

久聞香港島起家的旺記滑蛋叉燒飯很出名，午飯時間必定大排長龍，早早賣完，不過很少可以午飯時間去到港島所以一直沒有機會試，最近才知道尖沙咀開了分店，於是之前特地午餐時間去，但原來旺記冰室已經變成大陸人嘅網紅店， 成條隊大部份都係大陸人，最後搵咗一日四點幾嘅時間先去排隊結果好快就可以入到去啦。尖沙咀分店環境不大算係有裝修，基於香港土地問題，座位當然都唔會鬆動得去邊，不過食物質素最重要。點了招牌滑蛋叉燒飯，野飲要凍忌廉咖啡。忌廉咖啡先來，很淡，不知那來忌廉，比起翠華同是忌廉咖啡也差很遠，不過野飲不是重點。重點來了，比想像中細個份量，朋友都覺得細過上次佢食，叉燒份量Ok,味道同預期中一樣，冇乜特別因爲相信佢都係買燒臘檔的，蛋的確很滑，但日本蛋本身冇乜蛋味，還是東北蛋最有蛋味，所以最靚炒蛋係需要溝蛋的，白飯出乎意料之外近乎完美，口感一流，甜鼓油的甜同咸度平衡得很好，我喜歡。這個滑蛋甜鼓油飯真的不錯，叉燒普通係意料之內，下午茶我目到款式都幾網紅，有粒粒西多士，花生醬厚蛋多等。日本蛋係貴既，咁佢個價錢包野飲都算OK。