會所1號 維港皇宴

营业中

休息中

等咗差不多兩個月，二人限聚放寬至四人，終於可以同班姐妹食飯聚吓，意外發現呢間做開酒席既酒樓有中式放題，即管試一試。睇睇張菜單，選擇都算唔少，望落去好多小菜都想試。呢個放題價每位會包龍蝦🦞半隻、燒乳鴿半隻、鮑魚一隻、燉湯或翅一碗、小菜任食及最尾每人一杯Movenpick 🍨，以2百幾蚊一位計，算抵食。味道方面，大家一致認為好有水準，唔會見放題就hea，每樣味道都唔錯，極力推介龍蝦、話梅豬手、咕嚕蝦、牛仔肉、啫啫生菜。呢啲放題機會真係疫情先有，因為場地真係主打婚宴，唔係疫情，真係冇可能有呢啲放題。另外，要讚一讚侍應們服務都好好，不停換碟同加茶。此外，呢度仲有維港夜景，如果黃昏時候到達，景色優美。仲有一點要讚就係呢個放題每晚只有一輪，即係真係可以6點食到9點幾因為9點last order，跟家人或朋友真係可以好好慢慢享受晚餐，唔怕俾人趕走做第二輪晚市。