✨間八薄切佐京都水菜
厚度平均的間八鋪得整齊，入口新鮮，魚香頗重，加上土佐啫喱嘅配合，帶幾份酸甜亦有助提鮮，畫龍點睛肯定係啲黑魚籽，帶有鹹香度，基本上唔係太需要點豉油～
✨火炙間八香草燒日本南瓜丼
火炙過的間八逼出油入，加上香甜軟滑嘅南瓜，感覺健康又夠蛋白質，加少少七味粉更為滋香。
✨燒春雞伴日本南瓜
醬汁非常香濃，而燒春雞嘅外皮脆身，肉質嫩口，底部墊上日本南瓜蓉又帶來另一份嘅香甜。
✨柚子雪葩無花果芭菲
作為一個飯後甜品，感覺輕盈無負擔，無花果嘅味道非常清香，加上柚子雪葩嘅清甜，底部更襯上雜莓乳酪及燕麥脆脆，整體口感豐富！！
✨楓糖乳酪奶蓋蘋果生薑伯爵茶
天氣突然轉涼，特意叫咗一杯生薑熱飲，入口溫和，薑味慢慢滲出。
✨楓糖乳酪奶蓋香橙伯爵茶
搭配香橙亦都係另一個清爽嘅選擇，重點唔會太甜又有綿密嘅奶蓋，推薦！
2
