影片
更多
2022-11-15
54 浏览
Break今日去開觀塘做嘢，睇openrice見到間餐單都好用心設計嘅餐廳，地點係志明與春嬌隔離嘅海濱匯。餐廳用心嘅程度比我感到非常驚喜，餐單有時限性，過左就未變有得食，要食真係要襯早食，過左就真係冇🥺。每臺客人店員都會介紹餐廳食物嘅特色。而且中間仲有靚靚小屋位置可以打卡。————————————————————————𝐎𝐫𝐝𝐞𝐫:⧐香煎大蝦泡菜味噌溫泉蛋意大利麵⧐香煎芝麻吞拿魚牛油果丼⧐Hojicha⧐Hokkaido Milk⧐Lemonade⧐Kokoffee⧐Matcha yama☻香煎大蝦泡菜味噌溫泉蛋意大利麵，估唔到泡菜夾埋意大利麵味道咁夾，入面加埋仲有柚子皮同蟹子，幾種味道夾埋一齊，將成個意大利麵嘅味道昇華哂，好有層次感，配埋沙律同埋類似麻薯口感嘅甜點。☻香煎芝麻吞拿魚牛油果丼，大大舊嘅香煎吞拿魚赤身部位，只有皮脆，但內層仍然係魚生，非常特別，唔怕變左熟魚，撈埋牛油果醬加埋明太子又幾夾，可以見餐廳對味道嘅配搭特別用心，個麵鼓湯亦到好吸引，唔係平時食個啲溝粉就算嘅湯，加埋螺肉做埋前菜。☻cake加左是日Hojicha同Hokkaido Milk捲蛋，兩個捲蛋都好鬆軟，3.6
今日去開觀塘做嘢，睇openrice見到間餐單都好用心設計嘅餐廳，地點係志明與春嬌隔離嘅海濱匯。餐廳用心嘅程度比我感到非常驚喜，餐單有時限性，過左就未變有得食，要食真係要襯早食，過左就真係冇🥺。每臺客人店員都會介紹餐廳食物嘅特色。而且中間仲有靚靚小屋位置可以打卡。
————————————————————————
𝐎𝐫𝐝𝐞𝐫:
⧐香煎大蝦泡菜味噌溫泉蛋意大利麵
⧐香煎芝麻吞拿魚牛油果丼
⧐Hojicha
⧐Hokkaido Milk
⧐Lemonade
⧐Kokoffee
⧐Matcha yama
☻香煎大蝦泡菜味噌溫泉蛋意大利麵，估唔到泡菜夾埋意大利麵味道咁夾，入面加埋仲有柚子皮同蟹子，幾種味道夾埋一齊，將成個意大利麵嘅味道昇華哂，好有層次感，配埋沙律同埋類似麻薯口感嘅甜點。
☻香煎芝麻吞拿魚牛油果丼，大大舊嘅香煎吞拿魚赤身部位，只有皮脆，但內層仍然係魚生，非常特別，唔怕變左熟魚，撈埋牛油果醬加埋明太子又幾夾，可以見餐廳對味道嘅配搭特別用心，個麵鼓湯亦到好吸引，唔係平時食個啲溝粉就算嘅湯，加埋螺肉做埋前菜。
☻cake加左是日Hojicha同Hokkaido Milk捲蛋，兩個捲蛋都好鬆軟，3.6牛乳整出嚟蛋糕一直都係我最愛正。
☻餐飲叫咗Kokoffee,Matcha yama,Lemonade。
Matcha yama係抹茶紅豆豆乳，因為怕太甜嘅關係，咖啡師用紅豆沙代替完粒紅豆，令到味道啱啱好，飲到豆奶同紅豆沙夾埋嘅味道，唔會被甜味搶風頭。
Kokoffee，姜嘅椰奶咖啡，有沖繩黑糖係面，以為姜味好驚中伏，但咖啡師調製得好出色，飲落去好有層次感。
Lemonade 每日限量🤭
————————————————————————
📝評分
味道 ⁶/ ⁶
環境 ⁵/ ⁶
服務 ⁶/ ⁶
衛生 ⁶/ ⁶
抵食 ⁵/ ⁶
————————————————————————
📍Break
觀塘海濱道77號海濱匯1樓13-14號舖
张贴
