一風堂 (蘭桂坊) (已結業)

上網睇到一風堂同日本奉天拉麵合作，推出咗呢款限定嘅奉天黑醬油拉麵($78) ，睇落好吸引啊！中午黎到，店內人山入海，不過大概等左10分鐘就有份。點完菜，拉麵大概10分鐘就送上。餐牌介紹話，黑醬油用雞湯加入秘製醬油調味。入口味道帶點甜味，亦嚐到淡淡魚介海鮮嘅香味同筍香。拉麵係我喜歡嘅粗拉麵，一如以往我一定揀最硬嘅麵，硬麵無稔得咁快，麵質不錯，但帶梘水味。配料有三塊叉燒、筍、芽菜、日本魚蛋、同香葱，叉燒肥瘦適中，入口香軟。比錢嘅時候，店員向我地介紹一風堂嘅Bari Card app，食完拉麵同小食都可以儲印花去換coupon同拉麵啊，有得儲分又幾好喎 ;)