大眾燒肉酒場 X 陀地燒 (已結業)

重要嘅嘢要講咗先，其實我嚟過旺角呢間大眾燒肉酒場，但係我今次同樣都揾咗一陣先上到嚟😅 唔好睇佢係1A號舖，佢係近豉油街嗰邊嘅入口(我承認我係路痴🙈)本身book佢係因為想去大眾燒肉酒場，但我完全忘記咗朋友係唔食牛🥲 好彩呢到仲有得食串燒 - 陀地燒‼️有得俾我轉軚😏我哋今次兩嗰女仔食咗400左右，已經飽到傻咗，不過必食推介有陀地燒生蠔🦪 生蠔只係$12/隻！用性價比嚟睇，蠔係好大隻同肥美‼️好抵食第二係蜜糖牛油燒面包🍯 $20- 雖然好邪惡，但係真係好好食，燒到脆卜卜，唔會太漏，好正‼️第三嗰推介嘅係菠蘿青檸梳打$32🍹 佢好足料，唔會覺得甜，好飲！雞肉串/新疆羊肉串/燒豬頸肉串/燒五花腩串 - 肉肉串就正常發揮😌冬菇串/錫紙金菇/茄子/燒菠蘿 - 蔬果類就樣樣都夠味，唔會覺得油，菠蘿最正❤️整體嚟講，呢度嘅性價比好高，價錢上可以形容為平🤭 坐得舒服，足足girls talk 咗2粒鐘，一定會再encore😌