阿麥廚房 (已結業)

跟好姊妹聚會，想搵個靜少少無咩人去既地方食下飯，方便傾計！朋友介紹話加路連山道個邊有間靜靜地既cafe之類既餐廳就黎左阿麥廚房喇～係銅鑼灣返工，一直唔知有呢間野，可能真係比較少去呢邊食飯！點知有驚喜喎！我地叫左個set dinner有頭盤，湯，主菜！頭盤除左salad 仲可以加＄58升級！我地兩個都想試多d野 就大家都決定加錢升級喇！頭盤大蝦占米多原本以為占米多係多士之類既野，點知原來唔係！ 佢係有d 菇同蝦煮完再釀返入蝦殼度！估佢唔到，餐廳小小的，但整既野咁特別！怪不得朋友推介！香煎法國鵝肝配焦糖酒醋草莓其實我比較少食鵝肝，但係佢煎得外面脆脆的 又幾好食！湯我地其中一個升級左做黑松露忌廉湯！主菜有我估唔到會有得食既德國咸豬手仲有薯條做配搭，炸得好脆！份量比我地想像中大～我地明明食2人set 好似食緊4人set咁！因為我地仲有另一個主菜！就係呢個黑松露麵包蟹意大利飯！黑松露係分開上，咁樣可以自己調教自己喜歡既濃道，非常細心！蟹同菇呢個配搭其實無得輸，加埋意大利飯真係非常惹味！