School Food (已結業)

同事想食school food, 因為太古城個間通常要等好耐，我地已經兩手準備，萬一多人即刻轉場。 我地準時放飯再快馬加鞭，去到竟然未有人等位，隨即可以入坐。我地都係自私食set lunch, 有前菜,主菜,水果盤。前菜可以揀唔洗加錢的甜薯沙律 / 炸餃子 。 如果要餃子雞翼個d要加錢，之前食過甜薯沙律，咁我今次揀炸餃子了。 炸餃子有兩粒，脹卜卜，皮薄夠香脆同熱辣辣，食落抵食過甜薯沙律！主菜我就食飛天豬卡邦尼！因為食個一次卡邦尼年糕好味，所以試下呢個飛天豬有咩分別，等左15分鐘左右啦（其他同事的食物都到齊了），飛天豬黎了😆原來除左卡邦尼年糕，仲有扁意粉同一大塊吉烈豬扒！吉烈豬扒無咩肥膏但肉質彈牙唔韌！層炸粉仲好薄，唔錯。扁意粉做到卡邦尼掛麵的效果，麵質Q彈唔軟淋，啱啱好！ 年糕食過一次會返轉頭就知好唔好食啦！唔洗多講啦！總之成個意粉（定年糕😝）都配合得好好，三款食材（吉烈豬扒，年糕，意粉）的煮法都有唔同要求，廚師都做到晒，無論質感同味道都平衡得好好！ 所以等得耐係有原因！最後食埋個有哈蜜瓜同菠蘿的小小水果盤做飯後甜品，為今餐劃上完美的句號！