太安樓車仔麵 (已結業)

老實講, 早在阿蘚介紹之前已經食過呢間車仔麵啦, 無可否認佢係好平, 真係街坊價, 始終果度係太安樓, 果頭既食肆都係咁上下價錢, 偏向平價路錢, 不過可能係明星效應又或者真係每個人既口味唔多同, 我真係覺得唔係咁好食.... 因為之前老婆喺正太安樓對面返工, 所以成日都去太安樓搵野食, 而呢間車仔麵我地只係食過一次, 唔係乜野原因, 而係真係覺得唔好食, 湯味唔濃, 我老婆直頭覺得淡(因為佢食得比我濃好多), 蘿白都ok, 夠甜又冇乜渣, 牛腩好普通, 豬紅又冇食開果啲咁好食, 而菜同麵就冇乜好講, 基本上只係平.....但係經過阿蘇講一講之後, 真係唔知點解會成日都見到一條人龍响度排隊買麵, 其實以前真係從來都冇見過有呢啲咁既情況, 好明顯係明星效應, 我就死唔信邪再去試多次, 結果...... 唔好食...... 同以前一樣, 都係湯味淡, 料普通, 都係咁句, 最抵讚係都係咁平, 不過其實太安樓入面仲有好多舖頭仲好食又平, 就好似泰式小食館, 十幾廿蚊有泰式粉麵仲有野飲, 真係平靚正, 雖然地方細又感覺唔太好, 但係就肯定好食過車仔麵好多, 如果只係同返車仔麵比, 雖然地區唔同